Eis nei Elterevertrieder hunn ab elo eng gemeinsam Emailadress:
ev@roeserschool.lu oder elterevertrieder@roeserschool.lu.
Déi ganz Equip aus de Réiserbänner Schoulen wënscht all Guddes am neie Joer.
De 14ten Dezember ass zu Krautem an der Schoul eisen traditionnelle Chrëschtmaart.
D'Kanner hunn äifreg gebastelt a verkafen hir Aarbechten.
Vu 16.00 bis 20.00 Auer ass am Schoulhaff fir Iessen an Gedrénks beschtens gesuergt: Gyros, Pizza, Sauerkraut mat Wierschtchen, Softdrinks, Schampes, an net ze vergiessen den traditionelle Glühwäin.
Mir freeën eis op äre Besuch.
De 15. an den 24. November maachen d'Schoulkanner vu Krautem eng Sortie op d'Schlittschongpiste op der Kockelscheier. De Sportsgrupp vun eiser Schoul huet dës Sortie organiséiert a fënnt am Kader vun eise Sportdeeg statt. No dëser Sortie kritt all Kand wat dobäi war och e Sticker a säi Sportpass.
Folgend Klassen huelen un dëser Sortie deel:
15. November: Koetz, Schou/Schmit, Steffen, TCM3, Molitor, Hammerel, Zens, Dosser
24. November: Ballmann, Merland, TT2, Nestler, Scholler, Oth, Muller, Cruchten
Eis Schoul huet ab elo 7 nei Elterevertrieder:
Da Silva Carvalho Marie-Jo
Gaasch Romain
Oesch Mirjam
Marques Carine
Menini Marie-Anne
Rock Guy
Feltes Sandra
E grousse Merci fir Äert Engagement!
Detailer doriwwer wéi Dir d'Elterevertrieder kontaktéiere kënnt, kommen no!
De 26.10.2011 fënnt um 19 Auer am Festsall Blouet eis zweet Wiel vun den Elterevertrieder statt.
Op dëser Wiel kënnen d'Elteren hir Vertrieder wielen.
All d'Eltere kruten e Bréif wou d'Funktioun vun den Elterevertrieder erkläert ass.
Mir géingen eis freeën iech zahlreich deen Owend unzetreffen.
Entlech,....et geet erem lass... Juhuuu.... Fir baal 500 Kanner a 60 Enseignanten geet d'Schoul zu Réiser erem un. Iwwert d'grouss Vakanz ass den Haalbuedem erneiert ginn, an och an de Schoulgebaier sinn esou munch Aarbechten gemach ginn.
Opgepasst!!!!!
En Donnerschden, de 15. September geet et erem lass. Mee opgepasst, am Buet stoungen bis elo nach ëmmer déi falsch Auerzaiten dran. En Donnerschden geet et da lass an zwar:
D'Klass vum Géraldine Hammerel an d'Team aus dem 3. Cycle (Braun, Buchette, Jung) si gutt an Holland ukomm.
Flott Ambiance, gutt Iessen a virun allem vill motivéiert Leit hu gemach, dass d'Schoulfest och dëst Joer erem e groussen Erfolleg ginn ass. Trotzdeem, dass 3 Klassen nach an der Kolonie waren, war de Schoulhaff gutt mat Leit a Kanner gefëllt, déi giess a gedronk hunn, an anerer, déi esou flott matgehollef hunn ze schaffen. Dofir e grousse MERCI.
Et ass neess esou wäit! Spill, Spaass a gudd Iessen an Drénke fir jiddferee stinn u fir e Freideg, den 1. Juli 2011. Wéi ëmmer gëtt et Gegrills, Zaloten, Fritten, Kuch, ... a genuch vun allem ze Drénken.
Ufank: 16 Auer (mat engem groussen Gänsespill)
Enn: 21 Auer/ Da gëtt esou lues erem alles agepaak.
Ab 18h30 Auer fënnt eng Talentshow statt, bei deem all d'Kanner weise kënnen waat esou an hinnen stecht.
Dir kënnt vu 16 Auer bis 19.30 Auer ärt Angeboot fir e Bild, wat vun de Kanner gemoolt ginn ass, ofginn. Ab 19.30 Auer kritt deen, deen am meeschte gebuerden huet, d'Bild mat Heem.
Déi Leit, déi zu deem Zäitpunkt net méi do sinn, kréie vun eis ugeruff, a kënnen d'Bild Freides ab 16.00 Auer an der Krautemer Schoul ofhuelen.
Um 19.30 Auer gi Biller, déi Enseignanten aus der Réiser Gemeng gemollt hunn, versteet!
Fir de klengen Honger ass gesuergt a fir de groussen Duuscht och! Mir géingen eis freeën, Iech den Dag begréissen ze kënnen.
Am Kader vun de Sportsdeeg, gëtt no dem Schlittschongfueren am 1. Trimester eng Fitnesswoch am 2. Trimester organiséiert. Des fënnt statt an der Woch vum 7. op den 11. Mäerz. Iwwert d'Woch verdeelt ginn dann déi verschidde Cyclen an d'Haal a fänken de Moien mat e bessi Fitness un. Esou wëll de Sportsgrupp jiddereen drun erënneren, dass et wichteg ass sech fit ze halen a fit ze bleiwen. Nom Motto: "an engem gesonde Kierper ass och e gesonde Geescht"! Daat ganzt ass natierlech ëmmer mat Spaass verbonnen. Deemno alle Kanner vill Spaass beim beweegen. Daat ganzt fënnt an der Turnhal statt. Natierlech sinn och all d'Enseignanten mat vollem Asaatz derbai.
Elo steet et fest, dass de Schoulpavillon zu Bierchem, deen 2006 gebaut ginn ass, vergréissert gëtt. Daat fir 2,3 Milliounen Euro. Fest steet elo awer och, dass et keen aneren Schoulkomplex am grousse Bauprojet "Jardin du Roeserbann" méi soll ginn. Wéi de Gemengerot gesoot huet, wäert et och an Zukunft just 2 Standpunkter fir Schoulkomplexer an der Gemeng zu Réiser ginn. Bierchem Béiweng soll och an Zukunft vergréissert a moderniséiert ginn. Kleng Kartiersschoulen soll et an der Gemeng net ginn. Gemeng baut op grouss an zentraliséiert Schoulen
#!tc-s:Bei der Aktioun 'Konscht am Schrott', organiséiert vun der Superdreckskëscht hunn och e puer Klassen aus der Schoul vu Réiser deel geholl.
Gitt op de Link hei ënnendrënner a wielt fir d'Leit aus eiser Shoul. Deelgeholl hunn
A3 / Gaby -> Ediff
B12 / Marie-Pierre -> Ediff
B16 / Françoise (Brigitte) -> Cycle 4.1
B17 / Géraldine (Brigitte) -> Cycle 4.2
B18 / Liliane (Conny) -> Cycle 4.2
C1 / Sylvie -> Ediff
Ofstëmmen hëllefen!! Gitt de Leit 60 vu 60 :-) Daat wier super!! Well déi Konschtwierker si formidabel ginn.
#!tc-c:#!image(_site/news_konscht_am_schrott2.jpg):#!tc-e:
Eise Kannerfuesbal ass dëst Joer de 17. Februar vu 15:00-17:30 fir Kanner aus de Cyclen 1 an 2 a vu 18:00-20:00 Auer fir d'Kanner aus de Cyclen 3 a 4. Wéi schonns déi Jore virdrun ass en erem am Centre Culturel zu Béiweng.
Fir Kanner kascht ët 2 € (mat engem Gedrénks) fir matzefeieren. Erwuessener bezuelen 3 € am Virverkaaf oder 4 € den Dag selwer.
Mir hoffen iech do mat äere Kanner begréissen ze kënnen. Eis Fuesboken wäerten genuch ze Drénken an ze Iessen kréien, esou dass si net vun de Been faalen.
Eis Mediathéik ass e Freiden, den 28. Januar offiziel ageweiht ginn. De Buergermeeschter, de Schefferot, verschidde Memberen vun de Elterevertrieder a vun der Schoulkommissioun hunn sech vun der flotter erneierter Mediathéik iwwerzeege kënnen. D'Kanner profitéieren awer schonns sait Oktober vun der Mediathéik.
An eiser Mediathéik ginn et am Moment 10285 Artikelen, dorënner Bicher, Schoulbicher, Filmer, CDen, CD-ROMen, Kaarten, didaktescht Material, Computermaterial ... D'Mediathéik befënnt sech an der Schoul zu Crauthem.
De Ministère de l'Eudcation Nationale deelt mat, dass de 17 Dezember keng Schoul ass. Daat ass elo schonns déi 2. Kéier, dëse Wanter. Och schonns d'läscht Woch, de 9. Dezember waren d'Kanner vun der Schoulobligatioun frai gestallt ginn. Fir déi e bessi méi "aal" Generatiounen, war 1983 fir déi läschte Kéier Schnéifrai. Och wann deemols daat villt Ais den Haaptgrond war.
Vill Spaass am Schnéi!
Dispense des cours dans les écoles publiques aujourd'hui, vendredi 17 décembre
En raison des intempéries, le ministère de l’Éducation nationale et de la Formation professionnelle dispense les élèves des cours des écoles fondamentales et post-primaires publiques pour la journée du 17 décembre 2010.
Flott Stänn, gudd Iessen an eng flott Ambiance hu gemach, dass d'Ausgabe vum Chrëschtmaart 2010 e groussen Erfolleg war.
Bettina B. d'Präsidentin vun der "Colonie de Vacances": "Ech wollt jidderengem villmools Merci soen dee gehollef huet, dass de Chrëschtmaart esou e groussen Erfolleg ginn ass, an och nach en extra décke Merci de ville Léit déi gehollef hunn Ofrichten, Spullen, etc. Sou fréi ware mir nach ni fäerdeg!!! ;)"
Schéi Feierdeeg
Wien Loscht huet op flott Chrëschtdaagsstëmmung a gudd Iessen, invitéiere mir e Mëttwoch de 15. Dezember, vu 16 bis 20 Auer, op eise Chrëschtmart an der Krauthemer Schoul. De Chrëschtmart gëtt vun de Kanner an den Enseignanten aus der Réiser Gemeng organiséiert. (Mat frëndlecher Ennerstetzung vun de Gemengenaarbechter).
D'Kanner präsentéieren hier flott Bastelaarbechten a bei guddem Iessen an engem Glühwain (et gëtt natierlech och Softdrinks) kann een den Owend dann ausklénge lossen.
Bis hoffentlech e Mëttwoch.
Den Erléis vum Chrëschtmaart geet un "d'Colonie de Vacances", déi och den Haaptorganisator vum Event ass. "D'Colonie de Vacances asbl" leet de Kanner, déi mat hirer Klass an d'Kolonie fueren, en Deel bai, esou, dass et fir keen zevill deier gëtt!