Fairtrade-Buffet

15.01.2015

Am Kader vum Fairtrade Label vun der Gemeng Réiser, organiséieren d’Réiser Schoulen e « Fairtradebuffet » de Mëttwoch Moiën, 21. Januar 2015.

Dee Moien ass e Buffet an der Schoul mat Fairtrade Produitën an d’Kanner kënne sech op deem Buffet Iessen huelen, wat mir zesummen iessen.

Ziel vun der Aktivitéit ass et, d'Kanner op de fairen Handel opmierksam ze maachen.

Weider Informatiounen iwert Fairtrade fannt dir op dem Site www.transfair.lu .

 

Chrëschtmaart 2014

25.11.2014

Och dëst Joer organiséiert d'colonies de vacances a.s.b.l eisen traditionelle Chrëschtmaart.
Wéini: 17. Dezember 2014
Wou: Schoulhaff a Buvette Krautem
Auerzäit: vu 16 Auer bis 20 Auer
Wat erwaart Iech: Bastelstänn, leckert Iessen, Glühwäin, Kaffisstuff, an e speziellen Optrëtt!
Mir freeën eis Iech do ze begréissen!

Äispiste 2014

25.11.2014

Och dëst Joer organiséiert de Sportsgrupp en Ausfluch op d'Äispiste, an zwar de 4.12 an den 11.12.
D'Kanner an d'Léierpersonal soen iech merci fir Äert Engagement!

Rentrée 2014

12.09.2014

De 15.9 geet d'Schoul no enger laanger Summervakanz erëm un.
Mir freeën eis iech all erëm ze gesinn!

Cycle 3 gutt am Centerparcs de Kempervennen ukomm

07.07.2014

D'Klassen vum TCM si gutt geland. Mir wollte just matdeelen, dass mir gutt am Centerparc de Kempervennen zu Westerhoven ukomm sinn. Just 4 mol schlofen a mir si schonn erem do Heem.

De RDV fir zeréck ass tëschend 16h-16h30 e Freiden, den 11. Juli bei der Schoul :-)

Schoulfest

03.07.2014

Den 11. Juli fënnt am Haff vun der Krautemer Schoul eist Schoulfest statt.
Ab 16 Auer kënnen d'Kanner bei enge Rei Spiller matmaachen, an ab 16.30 Auer gëtt dann och eppes fir de klengen a groussen Honger gemaach.
Mir soen der colonies de vacances a.s.b.l villmools Merci fir d'Organisatioun, a bedanken eis och bei jidderengem deen deen Dag eng Hand mat upeekt!

Mir hoffen Iech zahlreich unzetreffen!

Cycle 4 gudd am Europapark ukomm

02.07.2014

De Cycle 4 ass gutt am Europapark ukomm! Mir freeën eis op 2 Deeg Spaass;-))

Le cycle 4 est bien arrivé à l'Europapark.Deux jours de joie nous attendent.;-))

Fotoën Afrikafest

26.06.2014

D'Kanner an d'Léierpersonal aus dem Bierchemer Pavillon hunn en Afrikafest organiséiert wou eng Rei Saachen, déi si selwer hiergestalt hunn, verkaf gi sinn. Den Erléis ass gespend ginn un Millipap asbl an Action solidarité Tiers Monde Burkina Faso.
Hei kënnt dir e puer Fotoën bewonneren!

Theater: Eng Nuecht am Supermarché

26.06.2014

De Cycle 4.2 ass frou iech matzedeelen, dass mir d'Theaterstéck "Eng Nuecht am Supermarché" den 8. an den 10.Juli an der Gemeng zu Réiser spillen.
Mir giffen eis freeën Iech do ze begréissen!
Hei eis Invitatioun:

Hëllef fir Bosnien

24.06.2014

Den Handball Club Bierchem huet eng Spendenaktioun an d’Liewe geruff, an huet dobei op d’Hëllef vun der Schoul zeréck gegraff.
D’Schüler konnten Kleeder a Schung mat an d’Schoul bréngen, déi do an engem Sall gesammelt gi sinn. E puer Leit vum Handball hunn d’Saachen an der Schoul ofgeholl an hunn en Transport gemeinsam mat der Caritas a Bosnien organiséiert.
Wann dir op de Link ënnen klickt kënnt dir e puer Fotoen bewonneren. Wéi een erkenne kann war dës Spendenaktioun ganz erfollegräich. Merci dem HC Bierchem fir hieren Asaatz!!!