News

Buergbrennnen

02.03.2004

Och dëst Joër woren nees vill vun eise Schoulkanner dobäi, wéi den 29. Februar d'Buergen am Réiserbann verbrannt goufen. Nom Fakelzuch goufen zu Peppéng a Béiweng op de Koppen di zwee Kräizer aus Holz an Stréih ugefaangen, fir den kalen an däischteren Wanter ze verdreiwen.

Duerno hun d'Pompjeen an d'Scouten op en gemittlichen Pättchen mat engem gouden Maufel invitéiert.

Elo brauchen mär just nach ze hoffen, dass de Wanter de Message och verstanen huet an dem Fréijoër Plaz mécht ....

Heeschentour / Jeudi Gras

12.02.2004

Den 19. Februar as ët nees esou wäit, da kommen d'Schoulkanner mëttes tëscht 2 a 4 bei Ierch heem schellen fir Saachen ze sammelen, déi Dir nët méi braucht, déi awer nach flott sin a fonktionnéieren.

Mat dësen Objeten organiséieren mir um Schoulfest am Summer eng flott Tombola oder en Floumaart.

Den Erléis vun dëser Aktioun geet un d'asbl Colonie de Vacances.

Nom Heeschentour kréien d'Kanner zu Crauthem an der Schoul nach Schocklasmëllech an Fueskichelcher.

Wantersportgebiet Réiser

30.01.2004

De Schnéi huet Réiser kuerzfristeg an en Wantersportgebiet verwandelt! Dank dem Guy (dem coolsten Busschofer deen et gët) an der logistescher Ennerstetzung vun der Gemeng Réiser, konnten iwert 150 Kanner (!!!) aus den Réiserschoulen (Bierchem an Crauthem) deser Deeg sech fillen wéi wann se an der Schlittvakanz wieren.

>>> Fotoen vum Schlittfestival

Kanner bewerten Bicher

13.01.2004

Op den Internetsäiten vun eiser Mediathéik kann een sech elo all d'Artikelen uweisen loossen, zu deenen Schüler schon een Kommentar geschriwen hunn. Kuck dir se emol un, do entdecks du bestëmmt e puer flott Bicher, déi's du och léinen wëlls.

A vergiess net, dengen Kollegen och deng Lieblingsbicher ze empfehlen! Schreif eis een Kommentar!

Link: Artikelen matt Bewertung a Kommentar

Invitatioun: Krëschtmaart

13.12.2003

E Mëttwoch, den 17. Dezember invitéieren d'Schüler an d'Léierpersonal aus der Réiser Gemeng ab 15 Auer op hiren traditionellen Krëschtmaart an der Crauthemer Schoul. Op den Bastelstänn kënnt dir flott Krëschdag-Artikelen kafen. Awer och fir ärt kulinarescht Wuelbefannen ass gesuecht: Et gët Schocki, Glühwäin, Panescher, Kuch, Gromperkichelcher, Käschten a Raclette!

Organisatioun: Colonies de Vacances Réiserbann ASBL

Informationsbrochüre über Medien in der Schule

08.12.2003

Die Gemeinde Roeser hat Innovationsbemühungen in ihrer Schule stets versucht optimal zu unterstützen und auch zu begründen. Besonders im Bereich Medien hat sie so manches vorzuweisen.
Um die Bürger, allen voran die Eltern der Schulkinder, über die Möglichkeiten zu informieren welche die Roeser Schule im Bereich Medien zu bieten hat, hat die Gemeinde eine Brochure zu diesem Thema herausgegeben, welche am 26.11. in der Crauthemer Schule vorgestellt wurde.
Die Publikation ist sowohl in Deutsch als auch in Französisch verfasst und auch online im Bereich 'Philosophie' verfügbar. Leitthemen sind zum Beispiel 'Schule und Gesellschaft', 'Sprache und Medien', 'die Mediathek als Lernzentrum', 'das Internet', 'die Website der Roeser Schule' und 'Schulkino'.

de Kleeschen wor do !

04.12.2003

Wéi all Joër as och dëst Joër erëm den 6. Dezember deen Dag, wou den Kanner hieren Wonsch vläit an Erfëllung geet. A ville Klassen gët fläisseg gebastelt, gemoolt, geschriwwen an gesongen an am Mëttelpunkt steet iwwerall den Mann mam laangen, rouden Mantel an wäissen Bart, de Kleeschen begleed vum Housécker.

Och an eis Schoulen koum den Kleeschen op Besuch fir deene brave Kanner an deene nach vill méi braven Léierinnen an Schoulmeeschteren eng kleng Tiitchen, en Boxemännchen an eng Mandarin ze schenken.

Ma deen een oder aneren krut vum Housécker eng laang Rutt. Hoffentlech schécken déi sech d'nächst Joër besser.

An dat nächsten Fest steet och schons virun der Dir: Krëschtdag. D'Schoulkanner invitéieren en Mëttwoch den 17. Dezember an d'Crauthemer Schoul op den traditionellen "Krëschtmaart", ufank um 15 Auer.

Concert éducatif

20.11.2003

Leschten Mëttwoch, den 19. November woren verschidden Klassen (1. & 2. Schouljoer) aus eiser Gemeng op Rodange en Concert éducatif lauschteren. Den SCRIPT an den Centre Verdi aus der Stad hun op dëse Concert invitéiert, fir dat neit Muséksbuch "Klangmännchen" virzestellen.
D'Kanner konnten matklappen, schnippen, sangen, stampfen, ... an ët wor absolut net langweileg. Di 3 virtuos Muséker vun der Brigade d'Intervention Musicale (Luss, Änder an Sergio) hun bewissen, dass si nët nëmmen hir Instrumenter perfekt beherrschen, mee dass si och talentéiert Entertainer sin, déi d'Kanner an di Erwuessen fir d'Musék ze begeeschteren wëssen.
Den Henri Junck huet duerch den Programme geleed an d'Kanner op di verschidden Aspekter vun der Musék (Melodie, Dynamik, Klangfaarw, asw) opmierksam gemaach.
Um Programme stoungen vill bekannten Lidder aus allen musikaleschen Genren.

Sandmännchen & Co

14.11.2003

An Zesummenarbecht mat der 'Ligue luxembourgeoise de Prévention et d'Action médico-sociales' realiséieren d'Kanner aus allen Spillschoulsklassen vu Bierchem, Peppeng an Crauthem an dësen Deeg e Projet iwwer Schlofen an Dreemen.

D'Kanner schaffen u Biller a Geschichten an plangen eng Porte Ouverte, wou si hiren Elteren hir Arbechten wäerten präsentéieren.

Een Highlight as sëcherlech den Besuch vum 'Schlofland', wou d'Madame 'Gudd Nuecht' de Kanner d'Geschicht vum 'Charel' verzielt. An och de berühmten Sandmännchen wor bei eis op Besuch...

Nei Projeten op eisem Site

06.11.2003

Och am neien Schouljoer gouf scho vun de Schüler u verschiddenen Wiki-Projeten geschafft, déi der iech elo ukucken kënnt.

	4. Schouljoer vum Martine Di Tullo D'Kanner hun eng Ëmfro zum Thema Werbung duerchgefouert, ausserdeem fannt dir däitsch Geschichten (z.B. iwer Ausserirdescher) a franzéisch Gedichter zum Thema "la peur".
	Schoul vu Bierchem Am Kader vun hirem wöchentlechen Buchstaarwendag hunn d'Kanner aus dem éischten Schouljoer hir éischt Buchstaarwen um Computer (mam Painter Classic) a matt hirem Kierper duergestallt.
	Tiere und Pflanzen D'Kanner aus dem 3. Schouljoer beschreiwen, wat si zu Huelmes erliewt a geléiert hunn (z.B. iwert d'Hecken a Straicher, awer och wéi een Fiiz mécht). Ausserdeem stellt all Kand iech en Baam fir, deen et sech erausgesicht, ganz genau ugekuckt, gemoolt a beschriwen heut.

Mir halen iech um Lafenden, wann erem nei interessant Aarbechten online sinn. Vergiesst awer net, och e Bléck op all déi interessant Themen ze werfen, un deenen an de leschten Joeren geschafft gouf.

Eischt Viregt Nächst Lescht