GESOND IESSEN - GESOND LIEWEN

16.01.2003

De Projet "GESOND IESSEN, GESOND LIEWEN" gouf vum 3. a 4. Schouljoer vu Crauthem, am Kader vun der Eveil aux sciences an ënnert der Leedung vum Liliane Cruchten a Sandra Palleva réaliséiert.

De Video, deen de Projet dokumentéiert, kann e beim Liliane Cruchten bestellen.

Krëschtmaart Fotoen

21.12.2002

E Méindeg war zu Crauthem an der Schoul eisen traditionellen Krëschtmaart. An der Turnhal goufen et Verkafsstänn matt Krëschtdekoratiounen, Bullen a Figuren fir op den Krëschtbeemchen, Krëschtkaarten, Gebäck a villes méi! Um Rez-de-Chaussé konnten eis Gäscht sech Kaffi a Kuch, Schocki, Panecher, Sandwichen, Glühwäin, Käschten an esouguer Raclette gudd schmaachen loossen. Um halwer Véier hunn d'Kanner aus dem 3. an 4. Schouljoer Krëschtlidder gesongen. Um véier Auer huet d'Mme Cruchten och en Film zum Projet "Gesond Iessen - gesond Liewen" virgestallt. Den Benefice vum Iessen a vum Gedrénks geet un d'Colonies de Vacances Réiser ASBL.

Links:
- Fotoen vum Krëschtmaart
- Méi Informatiounen iwert d'Colonies de Vacances

Krëschtmaart

12.12.2002

E Méindeg, den 16. Dezember invitéieren d'Schüler an d'Léierpersonal aus der Réiser Gemeng ab 15 Auer op hiren traditionellen Krëschtmaart an der Crauthemer Schoul. Op den Bastelstänn kënnt dir flott Krëschdag-Artikelen kafen. Awer och fir ärt kulinarescht Wuelbefannen ass gesuecht: Et gët Schocki, Glühwäin, Panescher, Kuch, Sandwichen, Käschten a Raclette!

Séchere Schoulwee

18.10.2002


"Séchere Schoulwee am Réiserbann" ass ee Projet, deen am Laf vum leschte Joer entstaanen ass. Eis Gemeng huet sech zum Ziel gesat, d'Geforen um Schoulwee vun de Kanner esou gutt wéi méiglech ze minimiséieren. Zesummen mat de Kanner goufen dunn d'Geforepunkten opgeholl (cf z.B. Wiki Projet Verkehrssicherheit in Berchem und Biwingen) an et gouf versicht Léisungen ze fannen.

Wann d'Kanner sech moies matt Zäiten op de Schoulwee maachen, ass et wichteg, datt si vun den Autoe gesi ginn. De Blinki (e liichtenden Teddy-Bär fir un de Rucksak, deen d'Gemeng de Kanner ausgedeelt huet) soll hiere Begleeder sinn duerch déi däischter Wanterméint.

Ausserdeem sin eis Trottoiren plazeweis matt grénge Féiss decoréiert ginn. Déi Féiss sollen de Kanner de séchere Wee an d'Schoul oder op de Bus weisen.

Et ass och geplangt, dass d'Enseignanten d'Kanner an nächster Zukunft eemol op hirem Schoulwee begleeden, fir si op méiglech Gefohrenpunkten ze sensibiliséieren an hinnen ze weisen, wéi een sech als Foussgänger am Stroosseverkéier verhalen soll.

Et ass kee Geheimnis datt frësch Loft zum Opbau vun den Ofwierkräften an zur Verbesserung vun der Leeschtungsfähegkeet bäidréit. Mir hunn elo versicht de Kanner d'Méiglechkeet ze ginn, sécher um Schoulwee hieren, dach esou wichtegen, Sauerstofftank opzefëllen.

Kolla Indios an der Schoul

23.09.2002

Freides, den 11. Oktober kommen Vertrieder vun den Kolla Indios aus Argentinien an d'Réiser Schoulen op Besuch.

Si besichen eng Rei Klassen, déi hinnen verschidden Aspekter vu Lëtzebuerg présentéieren (z.B. lëtzebuerger Spiller, lëtzebuerger Geographie...). D'Kanner kënnen natierlech och vun där Geleegenheet profitéieren, fir den Indios Froen iwer hir Kultur ze stellen.

Dat ganzt fënd statt am Kader vun enger Partnerschaft, déi schon zenter 1992 zwëschen der Réiser Gemeng an den Indios-Kommunitéiten vun Los Naranjos, Rio Blanquito an Angosto del Parani besteet.

Weider Informatiounen iwert d'Indios an Argentinien ginn et hei.

Ausstellung 'Nimipi' in der Primärschule in Crauthem

04.07.2002

Luxemburger Wort vom 4. Juli 2002: Auf Initiative von sechs Lehrpersonen in der Primärschule in Crauthem befassten sich Kinder von Früherziehungsklassen und Kinder der sechsten Schuljahre mit den Kunstwerken von Niki de Saint-Phalle, Miro und Picasso, um so unter Anleitung des Lehrpersonals ihre persönlichen Überlegungen und Ideen in diesen Kunstrichtungen und Stilen wärhend sechs Wochen zu verwirklichen. Dabei wurde von Niki de Saint-Phalle besonders die Figuren der "Nana" beachtet und nachgestellt, während bei Miro die Bilder dieses Malers die Kunstrichtung vorgaben und bei Picasso die vielen Collagen des weltberühmten Künstlers nachempfunden wurden.
Insgesamt stellten die Kinder über 150 wirklich gelungene Kunstwerke in den Räumlichkeiten ihrer Schule in Crauthem aus, die auch zum Verkauf angeboten wurden.
Ziel dieser schulischen Kunstunterrichtung war es, den Kindern die Möglichkeit zu geben, ihre eigenen Vorstellungen bei autonomen Arbeiten in die Tat umzusetzen. Dabei wurde aber auch ein soziales Ziel verfolgt, indem die grösseren Kinder den kleineren bei den Arbeiten zu Hand gingen.
Zur Vernissage dieser Ausstellung mit dem Namen "Nimipi" hatten sich auch Mitglieder des Schöffen- und Gemeinderates neben den Lehrerinnen und Lehrern sowie den Schulkindern eingefunden. Bürgermeister Arthur Sinner danke den jungen Künstlern für die sehenswerten Arbeiten, wobei er auch die Lehrpersonen zu dieser Initiative beblückwünschte, bringe sie doch den jungen Leuten die Arbeiten und Ideen grosser bekannter Künstler näher.

Anmerkung: mehr zum Thema Kunst findest du in unserem Kunst und Kultur Wiki.

Eise Website: Conclusioun nom éischte Joer online

25.06.2002

Vum 15. September bis zum 25. Juni waren iwwer 7600 Besucher op eisem Internet Site. De Site, dee lues a lues iwwert d'Joer vervollständegt gouf (awer leider nach net ganz färdeg ass), bidd enzwëschen e gudden Iwwerbléck iwwer d'Schoulen, d'Klassen an d'Aktivitéiten an eiser Gemeng. Vir den Ufank vum nächste Schouljoer sollen nach virun allem déi interaktiv Beräicher souwéi déi geschützte Beräicher fir d'Enseignanten färdeg gemaach ginn.
Zënter e puer Méint ass och d'Wiki Technologie op eisem Site voll verfügbar. Nierft de Klassesäiten ginn et virun allem eng ganz Rei Themen, un deene Kanner eenzel, a Gruppen oder als Klass schaffe kënnen. Dank Wiki Technologie kënne Kanner an Enseignanten selwer Säiten um Site bäimaachen a veränneren ouni op d'Hëllef vun aaneren ugewisen ze sinn. An deene läschte Méint sinn esou ronn 300 Säiten op eisem Site entstan. Leider gouf nach net vill un de Klassesäite geschafft, wat sech allerdéngs am Laaf vum nächste Schouljoer ännere soll. Nierft den Texter sinn och eng ganz Rei Biller online gaang (insgesamt iwwer 1000), dorënner gemolte Biller vun de Kanner, Fotoen a villes méi.
An eiser Mediathéik befannen sech elo 5310 Artikelen, dovun 4458 verschiddener, dat ganzt Material gëtt iwwer den interne Server verwalt. Iwwer d'Joer gesinn waren ëmmer ronn 15 Prozent vun den Artikelen ausgeléint, wat ronn 800 Artikelen ensprëcht. Vu September bis haut goufen 20465 Ännerungen an Transaktiounen an der Datebank vun der Mediathéik gemaach. D'Datebank ass och iwwer Internet verfügbar, wou een an den Artikele sichen a souguer Artikele reservéiere kann. 1403 Artikelen si mat engem Bild verfügbar, 153 mat Erklärungen an Text. Am Laaf vum nächste Schouljoer sollen d'Artikelen nach besser katalogiséiert ginn, ausserdeem soll et dann och méiglech sinn iwwer Internet Kommentaren zu den Artikelen ze schreiwen.
469 Benotzer sinn op eisem Site registréiert a kënne mat hirem Passwuert Dokumenter veränneren an Artikelen an der Mediathéik bestellen. Op eisem Webserver befannen sech insgesamt iwwer 12000 Dokumenter, déi zesumme ronn 100 MB Plaz anhuelen.